Дзень роднай мовы “Як ты дорага мне, мая родная мова!”
21.02.2024 у Дзяржаўнай установе адукацыі "Сярэдняя школа №3 г. Светлагорска" прайшлі мерапрыемствы, прысвечаныя Міжнароднаму дню роднай мовы.
З самай раніцы ў фае школы вучні 9 класаў прапаноўвалі настаўнікам прыняць удзел у акцыі "Фізкультхвілінка па-беларуску".
Для 5-11 класаў настаўнікамі беларускай мовы і літаратуры былі падрыхтаваны цікавыя і пазнаваўчыя віктарыны і конкурсы, у якіх вучні з інтарэсам прынялі ўдзел і бясспрэчна папоўнілі свой слоўнікавы запас!
Вучні пачатковай школы ўдзельнічалі ў конкурсе чытальнікаў "Гучы родная мова!" і розных гульнях, прысвечаных культурным традыцыям нашай краіны.
Многіх вучняў зацікавіла выстава на другім паверсе, якая змяшчала смачныя рэцэпты нацыянальных беларускіх страў, рэбусы, крыжаванкі і іншыя віды актыўнасці для кожнага навучэнца.
Класныя кіраўнікі 1-11 классаў правялі класныя і інфармацыйныя гадзіны, прысвечаныя Дню роднай мовы.
А кожны перапынак на трэцім паверсе гучала беларуская нацыянальная музыка, што стварала святочны настрой!
Зацікаўленасць, добразычлівасць і атмасфера даверу панавалі на працягу ўсяго дня. Такія мерапрыемствы заўсёды выклікаюць у навучэнцаў нашай установы жаданне вывучаць сваю мову, паважаць, любіць і берагчы яе.